ဘုရားသခင်၏ရွှေ့ကွက်များ
အက္ခရာစာလုံးဆက် Scrabble ကစားနည်းကို ကျွန်မနှစ်သက်သည်။ ကစားပွဲ တစ်ခုအပြီးတွင် ကျွန်မအားအစွဲပြု၍ သူငယ်ချင်းများက ရွှေ့ကွက်တစ်ခုကို “Katara-ကတာရာ” ရွှေ့ကွက်ဟုခေါ်တော့သည်။ ထိုကစားပွဲတစ်လျှောက်လုံးတွင် ကျွန်မသည် နောက်ဆုံးမှလိုက်ခဲ့ရပြီး ရှူံးနေသည်။ သို့သော် မည်သည့်အက္ခရာပြားမျှမရှိတော့၍ ကစားပွဲအဆုံးသတ်ချိန်၊ ကျွန်မသည် အက္ခရာ (၇)လုံးပါ ဝေါဟာရတစ်ခုကို ဆက်လိုက်သည်။ ထိုအခါ ထပ်ဆောင်းအမှတ် (၅၀)နှင့်အတူ ကစားဖက်များ အပြီးမသတ်နိုင်သေးသည့် စာလုံးများအတွက် အမှတ်များကိုပါရလိုက်ပြီး ကျွန်မအမှတ်အများဆုံး ဖြစ်သွားသည်။ နောက်ပိုင်း ကျွန်မတို့စာလုံးဆက်ကစားကြတိုင်း တစ်ယောက်ယောက်က နောက်ဆုံးရောက်နေသောအခါ သူတို့က ကျွန်မနိုင်ခဲ့သည့်အဖြစ်ကို အမှတ်ရကာ “ကတာရာ” ရွှေ့ကွက်ရရန် မျှော်လင့်နေကြတော့သည်။
အတိတ်တွင်ဖြစ်ပျက်ခဲ့သည်များကို အမှတ်ရခြင်းသည် ကျွန်မတို့အားစိတ်ဓာတ်တက်ကြွစေပြီး မျှော်လင့်ချက်ရှိစေပါသည်။ ထို့ကြောင့် ဣသရေလလူမျိုးတို့ ပဿခါပွဲကျင်းပချိန်တွင် အတိတ်ကို ပြန်သတိရကြသည်။ အဲဂုတ္တုပြည်၌ ဣသရေလလူမျိုးတို့အား ဖာရောဘုရင်နှင့် သူ၏လူတို့က နှိပ်စက်ကြ၍ (ထွ ၁:၆-၁၄) သူတို့ ဘုရားသခင်ထံ…
သခင်ယေရှုရှိသည်
ကျွန်ုပ်အဖေ၏သက်ကြီးရွယ်အို အဒေါ်ဖြစ်သူ(ဘွားလေး)သည် နေထိုင်မကောင်း ဖြစ်ပြီး သူ့အိပ်ယာပေါ်တွင် အပြုံးမျက်နှာဖြင့် လှဲနေသည်။ သူမ၏ မီးခိုးရောင်ဆံပင်ကို နဖူးမှအပြောင်ဖြီးထားပြီး သူမ၏ပါးပေါ်တွင် ပါးရေတွန့်များက ဖုံးနေ သည်။ သူမစကားသိပ်မပြောသော်လည်း သူမထံသို့ မိဘများနှင့်အတူ ကျွန်ုပ်တို့ သွားရောက်လည်ပတ်သောအခါ သူမပြောခဲ့သော စကားအနည်းငယ်ကို ကျွန်ုပ်မှတ်မိနေဆဲဖြစ်သည်။ “ငါအထီးမကျန်ဘူး။ သခင်ယေရှု ငါနဲ့အတူရှိတယ်” ဟု သူမတီးတိုးရေရွတ်ကာဆိုသည်။
ထိုစဥ်က ဘွားလေးသည် တစ်ဦးတည်းနေထိုင်သူဖြစ်ပြီး၊ သူ့စကားကြောင့် ကျွန်ုပ် အံ့အားသင့်မိသည်။ သူမ၏ခင်ပွန်းသေဆုံးခဲ့သည်မှာ နှစ်ပေါင်းများစွာ ကြာပြီ ဖြစ်သည်။ သားသမီးများက အဝေးတွင် နေထိုင်ကြပြီး အသက် ၉၀ နား နီးပြီဖြစ်သောသူမသည် မလှုပ်ရှားနိုင်ဘဲ အိပ်ရာထဲ၌သာ နေရသည်။ ယခုထိ သူမ အထီးမကျန်ဘူးဟုပြောနိုင်သည်။
သခင်ယေရှုက တပည့်တော်များအား ပြောခဲ့သော “ငါသည်လည်း ကပ်ကမ္ဘာကုန်သည်တိုင်အောင် သင်တို့နှင့် အတူအစဥ်မပြတ် ရှိသည်” (မ၂၈:၂၀)ဟူသောစကားကို ဘွားလေး…
ခွန်အားအပြည့်နှင့် အဆုံးသတ်ခြင်း
ကျွန်မ၏မိနစ် (၄၀) စာ လေ့ကျင့်ခန်းအပြီးတွင် ကျွန်မ၏နည်းပြက “ခွန်အားအပြည့်နဲ့ အဆုံးသတ်မယ်နော်”ဟု အော်ပြောလိမ့်မည်မှာ သေချာသည်။ ကျွန်မသိသည့် ကိုယ်ကာယနည်းပြတိုင်းလိုလိုက လေ့ကျင့်ခန်း အပြီးသတ်လောက်တွင် ဤစကားလုံးကို သုံးတတ်သည်။ လေ့ကျင့်ခန်းတစ်ချိန်စာ၏ အဆုံးသတ်သည် လေ့ကျင့်ခန်းအစကဲ့သို့ အရေးကြီးသည်။ လူ့ခန္ဓာကိုယ်သည် အတန်ငယ် လှုပ်ရှားပြီးသည့်အခါတွင် နွမ်းနယ်လာပြီး လှုပ်ရှားမှုအရှိန် နှေးကွေးလာသည်ကို နည်းပြများက သိကြသည်။
သခင်ယေရှုနှင့် လျှောက်လှမ်းရာတွင်လည်း ထိုနည်းအတိုင်းပင် ဖြစ်သည်။ ရှင်ပေါလုသည် ခရစ်တော်၏တပည့်တော်အနေဖြင့် သေချာပေါက်ညှဉ်းဆဲခြင်းခံရမည့် ယေရုရှလင် မြို့သို့ သွားရမည်ဖြစ်ပြီး သူ့အနေဖြင့် အကောင်းဆုံး အဆုံးသတ်လိုအပ်သည်ဟု ဧဖက်အသင်းတော်မှ အသက်ကြီးသူများကို ပြောသည် (တ ၂၀ :၁၇-၂၄)။ သို့သော် ပေါလုသည် ခိုင်မာတည်ကြည်သည်။ ဘုရားသခင်လုပ်စေချင်သည့် အမှုကိုပြုရန်၊ သူအစပြုခဲ့ပြီးသည့်အမှုကို အဆုံးသတ်ရန် သူ၌ ရည်မှန်းချက်ရှိသည်။ သူ့၌ “ဘုရား၏ကျေးဇူးတော်နှင့်ယှဉ်သော ဧဝံဂေလိတရားကို” ကြားပြောရန် တာဝန်ရှိသည်(:၂၄)။…
အမြော်မြင်ရှိသောအကြုံပြုချက်
ကျွန်မသည် ကျမ်းစာကျောင်းတက်နေရင်း အချိန်ပြည့်အလုပ်ကို လုပ်နေခဲ့သည်။ ထို့ပြင် အသင်းတော်တွင် အမှုတော်ဆောင်တာဝန်ကို အလှည့်ကျယူပြီး အလုပ်သင် အဖြစ်လည်း ပါဝင်ခဲ့သည်။ ကျွန်မအလွန်အလုပ်များခဲ့သည်။ အဖေ ကျွန်မကို လာတွေ့ချိန်တွင် “သမီးကျန်းမာရေးထိခိုက်လိမ့်မယ်” ဟုသတိပေးခဲ့သည်။ အဖေ၏ သတိပေးမှုကို လျစ်လျူရှုပြီး ခေတ်ကွာခြားမှုကြောင့် လူကြီးများသည် ယခုကဲ့သို့ရည်မှန်းချက်ထားပြီး အလုပ်လုပ်ရခြင်းကို နားမလည်နိုင်ကြ ဟူ၍သာ ယူဆခဲ့သည်။
ကျွန်မ၏ကျန်းမာရေး ဆိုးဝါးစွာမထိခိုက်ခဲ့သော်လည်း ပင်ပန်းနွမ်းလျချိန်တွင် စိတ်ဓာတ်ကျအားငယ်ခဲ့ရသည်။ ထိုအချိန်မှစ၍ သတိပေးမှုများကို ကျွန်မနားထောင်ခဲ့ပြီး အထူးသဖြင့် ချစ်ခင်သူများက သတိပေးလာလျှင် ပို၍အလေးထားခဲ့သည်။
ထိုအဖြစ်က မောရှေအကြောင်းကို သတိရစေသည်။ သူသည်လည်း လုံ့လကြီးစွာ စိုက်ထုတ်လျက် ဣသရေလလူမျိုးတို့အား တရားစီရင်ပေးသူ ဖြစ်သော်လည်း (ထွက် ၁၈:၁၃)၊ သူ့ယောက္ခမ၏သတိပေးချက်ကို လိုက်နာခဲ့သည် (:၁၇-၁၈)။ ယေသရောအနေဖြင့် ဝင်ရောက်စွက်ဖက်ခြင်း မဟုတ်ပါ။ သူသည် မောရှေနှင့်မိသားစုကိုချစ်ပြီး ရှေ့တွင် ကြုံတွေ့နိုင်သောအခက်အခဲကို တွက်ဆမိ…
ကျွန်ုပ်တို့၏အချိန်ကို ပြန်လည်သိမ်းယူခြင်း
၁၉၆၀ ပြည့်နှစ်များတွင် ကျွန်မ၏အမေသည် ကျွန်မ၏အဖေနှင့်လက်ထပ်နိုင်ရေး ကောလိပ်ဆက်မတက်ရန် ဆုံးဖြတ်ခဲ့ကြောင်း ကျွန်မကို ပြောပြခဲ့သည်။ သို့သော် အိမ်တွင်းမှုသိပ္ပံဆရာမ ဖြစ်ချင်သည့် သူမ၏အိမ်မက်ကို အမြဲဖက်တွယ်ထားဆဲပင်။ ကလေးသုံးယောက်မွေးပြီးသည့်နောက်၊ အမေသည် ဘွဲ့ရမဟုတ်သော်လည်း အမေရိကန်နိုင်ငံ၊ လူဝီစီယားနားပြည်နယ်၏ ကျန်းမာရေးဌာနတွင် လက်ထောက်အာဟာရဗေဒပညာရှင် ဖြစ်လာခဲ့သည်။ အိမ်တွင်းမှုသိပ္ပံ ဆရာမကဲ့သို့ပင် အာဟာရပြည့်၀သော အစားအစာများကိုရွေးချယ်ရန် ကိုယ်တိုင်ချက်ပြုတ်ပြခဲ့သည်။ သူမ၏ဘ၀နှင့်အိပ်မက်အကြောင်းကို ကျွန်မအား ပြန်ပြောပြရင်း သူမ၏ဆုတောင်းသံကို ဘုရားသခင်ကြားပြီး သူမဖြစ်ချင်သည့်ဆန္ဒကိုဖြည့်ဆည်းပေးခဲ့သည်ဟု သက်သေခံခဲ့သည်။
ကျွန်မတို့၏ဘဝတွင်လည်း ထိုကဲ့သို့ဖြစ်နိုင်ပါသည်။ ကျွန်မတို့၏ အစီအစဉ်က တစ်ခု၊ တကယ့်လက်တွေ့က တစ်ခြားဖြစ်နေတတ်သည်။ သို့သော် ဘုရားသခင်နှင့်သာဆိုလျှင် ကျွန်မတို့၏အချိန်နှင့်ဘဝသည် သူ၏ကရုဏာ၊ ချစ်ခြင်းနှင့် ပြုပြင်တည်ဆောက်ပေးခြင်းတို့ ထင်ဟပ်နေသည့် အသက်တာအသွင်သို့ ကူးပြောင်းသွားနိုင်သည်။ ဘုရားသခင်သည် ယုဒလူမျိုးများအား ကျိုင်းကောင်များကြောင့် ဆုံးရှုံးပျက်စီးခဲ့ရသောနှစ်များကို ပြန်ပေးမည်ဖြစ်ကြောင်း ပြောကြားခဲ့သည် (ယောလ ၂:၂၅)။ စိန်ခေါ်မှုများနှင့် ဖြစ်မလာသေးသော အိပ်မက်များကို…
ခေါင်းဆောင်နည်းတူ ကျင့်ပါ
စကားလုံး မပါ။ ဂီတနှင့်လှုပ်ရှားမှုသာရှိသည်။ ကိုဗစ်-၁၉ ကပ်ရောဂါကာလအတွင်း ပြုလုပ်သည့် ၂၄ နာရီကြာ ဇွန်းဘားမာရသွန်ပြိုင်ပွဲတွင် ကမ္ဘာတစ်ဝှမ်းလုံးမှ ထောင်နှင့်ချီသောလူများသည် အတူတကွလေ့ကျင့်ခန်းလုပ်ကြပြီး ဖန်သားပြင်မှ တစ်ဆင့် အိန္ဒိယ၊ တရုတ်၊ မက္ကဆီကို၊ အမေရိက၊ တောင်အာဖရိက၊ ဥရောပဒေသအချို့နှင့်အခြားဒေသများမှနည်းပြများနည်းတူ လိုက်လုပ်ခဲ့ကြသည်။ ဤကွဲပြားခြားနား သောပုဂ္ဂိုလ်များသည် ဘာသာစကား အဟန့်အတား မရှိဘဲ အတူလှုပ်ရှားခဲ့ကြသည်။ အဘယ်ကြောင့်နည်း။ ထိုနည်းပြများ အရူးအမူးဖြစ်နေသည့် ဇွန်းဘားကို ၁၉၉၀ ပြည့်နှစ်များ အလယ်ပိုင်းတွင် ကိုလံဘီယာနိုင်ငံမှ အေရိုးဗစ်နည်းပြတစ်ဦးက စတင်တီထွင်ခဲ့ပြီး အချင်းချင်း ဆက်သွယ်ရာတွင် နှုတ်ဖြင့်မပြောဘဲ အချက်ပေးမှုများကို အသုံးပြုသောကြောင့် ဖြစ်သည်။ နည်းပြများက လှုပ်ရှား၍ဦးဆောင်သည်ကို သင်တန်းသားများက စကားလုံးတစ်လုံးမျှ မရွတ်ဘဲ၊ မအော်ဘဲ လိုက်လုပ်ကြသည်။
စကားလုံးများသည် တစ်ခါတစ်ရံတွင် အတားအဆီးများ ဖြစ်စေနိုင်သည်။ ကောရိန္သုအသင်းသားများထံသို့ ပေးပို့သည့် ပထမစာစောင်တွင် ပေါလုရေးထားသည့်အတိုင်း စကားများကြောင့် သူတို့ဇဝေဇဝါဖြစ်ပြီး…
အိုးထိန်းစက်
၁၉၅၂ ခုနှစ်က အရောင်းဆိုင်တွင်း နမော်နမဲ့နှင့် သတိမမူတတ်သူများကြောင့် ပစ္စည်းကျကွဲခြင်းကို ကာကွယ်ရန် ကြိုးစားမှုအဖြစ် အမေရိကန်နိုင်ငံ၊ ဖလော်ရီဒါပြည်နယ်ရှိ မီယာမီကမ်းခြေ စတိုးဆိုင် ပိုင်ရှင်က “၄င်းကို သင်ခွဲသည်။ ၄င်းကို သင်ဝယ်ရမည်”ဟု ဆိုင်းဘုတ်ထောင်လိုက်သည်။ မှတ်မိလွယ်သည့်စကားရပ်က ဈေးဝယ်သူများအတွက် သတိပေးချက်ဖြစ်ခဲ့သည်။ ယခုအခါ ဤသို့သောဆိုင်းဘုတ်မျိုးကို အဝတ်အထည် ရောင်းသည့်ဆိုင်များတွင်ပင် တွေ့နိုင်သည်။
အိုးအရောင်းဆိုင်၌မူ “၄င်းကို သင်ခွဲ၏၊ ပိုကောင်းသည့်အရာကို ကျွန်ုပ်တို့ပြန်လုပ်ပေးမည်” ဆိုသည့် ခြားနားသည့်ဆိုင်းဘုတ်မျိုး ထောင်ထားနိုင်သည်။ ၎င်းသည် ယေရမိအနာဂတ္တိကျမ်း ၁၈ မှ ဖော်ပြချက်နှင့် တစ်ထပ်တည်းဖြစ်သည်။
အိုးထိန်းအိမ်၌ အိုးထိန်းသည် “ပုံပျက်နေသည့်”ရွှံ့ကို ဂရုတစိုက် ကိုင်တွယ်ပြီး “အခြားအိုးတစ်လုံးအဖြစ်သို့” ပုံသွင်းနေသည်ကို ယေရမိ တွေ့ရှိခဲ့ရသည် (:၄)။ ဘုရားသခင်သည် အမှန်ပင် ကျွမ်းကျင်သည့်အိုးထိန်းတစ်ဦးဖြစ်ပြီး ကျွန်ုပ်တို့သည် ရွှံ့မြေဖြစ်ကြောင်းကို ပရောဖက်က ကျွန်ုပ်တို့အား သတိပေးသည်။ ဘုရားရှင်သည် အရာခပ်သိမ်းကို…
ခွင့်လွှတ်ခြင်းကို ပုံဖော်ခြင်း
အနီရောင်စတုဂံပုံ ပုံကြမ်းရေးဆွဲကစားသည့် ပလက်စတစ် အော်တိုပုံဆွဲသင်ပုန်းသည် မျက်လှည့်အလားပင်။ ငယ်စဉ်က ထိုကစားစရာကို နာရီပေါင်းများစွာ ကျွန်ုပ်ကစားနိုင်သည်။ ခလုတ်တစ်ခုကို လှည့်လိုက်သည့်အခါ ဖန်သားမျက်နှာပြင်၌ အလျားလိုက်မျဉ်းကြောင်းကို ရေးဆွဲနိုင်သည်။ အခြားခလုတ်တစ်ခုကို လှည့်သော် ဒေါင်လိုက်မျဥ်းကြောင်းပေါ်လာသည်။ ခလုတ်နှစ်ခုကို တစ်ပြိုင်တည်းလှည့်သော အခါ ထောင့်ဖြတ်မျဉ်း၊ စက်ဝိုင်းနှင့် ဆန်းပြားသောဒီဇိုင်းများကို ပေါ်လာသည်။ “Etch A Sketch” (ပုံဖော်ခြင်း) ဟုခေါ်သည့် ထိုကစားစရာကို ဇောက်ထိုးလှန်ကာ အနည်းငယ်လှုပ်လိုက်ပြီး ပြန်တည့်လိုက်ချိန် ဒီဇိုင်းသစ်တစ်ခုဖန်တီးရန် ကျွန်ုပ်ကို အခွင့်အလမ်းပေးသည့် မျက်နှာပြင်အလွတ်တစ်ခု ပေါ်လာခြင်းသည် တကယ့်မျက်လှည့်ပင် ဖြစ်ပေသည်။
ဘုရားသခင်၏ခွင့်လွှတ်ခြင်းသည် ပုံကြမ်းဆွဲသောကစားစရာနှင့် တူသည်။ သခင်သည် ကျွန်ုပ်တို့အပြစ်များကို ချေဖျက်ပေးပြီး ကျွန်ုပ်တို့အတွက် အသစ်သော ပန်းချီကားမျက်နှာပြင်ကို ဖန်တီးပေးသည်။ မိမိကျူးလွန်ခဲ့သည့်အမှားများကို ကျွန်ုပ်တို့သတိရသည့်တိုင် ဘုရားသခင်က ခွင့်လွှတ်ပြီး မေ့လိုက်ရန် ရွေးချယ်သည်။ သူသည် အပြစ်များကို ချေဖျက်ခဲ့ပြီး ကျွန်ုပ်တို့အပေါ်ဗွေမယူပါ။…